Шинхан Картын 192,000 хэрэглэгчийн хувийн мэдээлэл алдагджээ

Солонгосын Шинхан Карт 23-нд "Алдагдсан хувийн мэдээлэлд 192,000 дэлгүүрийн эзний гар утасны дугаар, зарим хүмүүсийн овог нэр, төрсөн он сар өдөр, хүйс багтсан болно. Алдагдсан мэдээлэлд гүнээ хүлцэл өчье" гэж тус компани вэбсайт болон аппликейшнаараа дамжуулан мэдэгдэв.

Тус компани үргэлжлүүлэн "Бид энэ мэдээллийг хакердах эсвэл бусад гадны халдлагаас бус, харин Шинхан Картын ажилтнаар дамжуулан алдагдсан бөгөөд карт авахад ашигласан болохыг баталгаажууллаа. Алдагдсан мэдээллийг мэдсэний дараа бид шуурхай хариу арга хэмжээ авч, холбогдох үйл явцын дотоод хяналтыг хийсэн."

Шинхан Карт мөн алдагдсан мэдээллийг Хувийн Мэдээллийг Хамгаалах Хороонд мэдэгдсэн гэж мэдэгдэв. Мөрдлөгийн явцад оршин суугчийн бүртгэлийн дугаар, картын дугаар, дансны дугаар зэрэг зээлийн мэдээлэл зэрэг хувийн мэдээлэл алдагдаагүй байна. Алдагдсан мэдээлэлд 181,585 гар утасны дугаар, 8,120 гар утасны дугаар эзэмшигчийн нэр, 2,310 гар утасны дугаар, нэр, төрсөн он сар өдөр, хүйс, 73 гар утасны дугаар, нэр, төрсөн он сар өдөр нийт 192,088 мэдээлэл багтсан байна.

Шинхан Карт “Шинхан Картын бүх удирдлагууд болон ажилтнууд энэхүү хувийн мэдээлэл алдагдсанаас болж үйлчлүүлэгчдэд учирсан асар их санаа зовнил, таагүй байдалд хариуцлагатай хандаж байна” гэж мэдэгдээд “Хувийн мэдээллийг хамгаалахын тулд бид мэдээлэл алдагдсан шалтгаан, нөхцөл байдлыг сайтар судалж, холбогдох ажилтнуудад хатуу хариуцлага тооцож, дотоод болон гадаад аюулгүй байдлын системээ үндсээр нь дахин нягталж, бэхжүүлэхийн тулд чадах бүхнээ хийх болно” гэжээ.

Тэд нэмж хэлэхдээ “Хэрэв үйлчлүүлэгч хувийн мэдээлэл алдагдсанаас болж хохирол амсвал бид хохирлыг нэн даруй шалгаж, нөхөн төлбөр олгохоо амлаж байна” гэв.

Эх сурвалж: Күгмин илбү