Жүдогийн бэлтгэлийн нэрийн дор хүчирхийлэл үйлдсэн багшийн хэргийг прокурорт шилжүүлжээ

Жүдогийн зааланд ахлах сургуулийн хоёр сурагчдыг жүдогийн техник ашиглан хүчирхийлсэн хэрэгт буруутгагдаж буй 20 орчим насны эмэгтэй багшийг баривчилж, хэргийг прокурорт шилжүүлжээ.

Кёнги мужийн Пёнтаек хотын цагдаагийн газрын өнөөдөр (2025.01.08) мэдээлснээр, “А” гэх эмэгтэйг хүүхдийн сайн сайхны тухай хуулийг зөрчсөн, хүүхдийн эсрэг хүчирхийлэл үйлдсэн хэргээр баривчилж, хэргийг прокурорт шилжүүлсэн гэж мэдэгдэв.

Тодруулбал, өнгөрсөн оны есдүгээр сарын сүүлээр оройн 21:00 цагийн орчимд Пёнтаек хотын нэгэн жүдогийн зааланд ахлах сургуулийн насны хоёр өсвөр насны охидыг бэлтгэл хийх нэрийдлээр жүдогийн техник ашиглан хүзүүг нь дарж, ухаан алдтал нь боож хүчирхийлэл үйлдсэн хэрэгт буруутгагдаж байгаа аж.

Цагдаагийн байгууллага хохирогч сурагчдаас гомдол хүлээн авч, мөрдөн шалгах ажиллагаа эхлүүлсэн бөгөөд мөрдөн байцаалтын явцад тухайн үйлдэл нь ердийн бэлтгэл сургуулилтын түвшин давсан ноцтой хүчирхийлэл болох нь тогтоогджээ.

Одоогоор хэргийг прокурорт шилжүүлж, цаашдын хууль эрх зүйн арга хэмжээг авахаар ажиллаж байна.

 

Эх сурвалж: Yonhap