“Өсвөр насны охидыг үе тэнгийн дарамтаас ангид, аюулгүй орчинд суралцах нөхцөлийг бүрдүүлэх" төслийг хэрэгжүүлэх жишиг сургуулиудыг сонголоо

Сүүлийн үед үе тэнгийн дээрэлхэлт, ялангуяа өсвөр насны охидын хооронд гутаан доромжлох, бие махбодид халдах, цахимаар дарамтлах тохиолдол нэмэгдэж байгаа нь анхаарал татсан асуудал болоод байна.

 Энэ жил Mongolian Girls Council болон НГХУСАЗСЗ хамтран Хүүхэд хамгааллын тухай хуулийн хэрэгжилтийг хангах хүрээнд сургууль дахь дээрэлхэлтийн эсрэг “Өсвөр насны охидыг үе тэнгийн дарамтаас ангид, аюулгүй орчинд суралцах нөхцөлийг бүрдүүлэх” төслийг хэрэгжүүлж байна.

Төслийн хүрээнд урьдчилан сэргийлэх нөлөөллийн ажил зохион байгуулах, сурагчдад сэтгэлзүйн зөвлөгөө, дэмжлэг үзүүлэх, багш–эцэг эх–сурагчдын хамтын ажиллагааг бэхжүүлэх цогц арга хэмжээг үе шаттайгаар хэрэгжүүлнэ.