Малдаа яваад сураггүй болсон иргэдийг нэг хоногийн дараа эсэн мэнд олжээ

Дорнод аймаг, Гурванзагал сум Рашаат багийн “Цагаан хонхор” гэдэг газар  хоёрдугаар сарын 24-ний 17:30 цагт автомашинтай иргэд малдаа яваад сураггүй болсон тухай дуудлага маргааш нь буюу хоёрдугаар сарын 25-ны өдрийн 01:30 цагт Онцгой байдлын байгууллагад ирсэн байна.

Тус сумын мэргэжлийн ангийнхан эрэн хайх ажиллагааг зохион байгуулж 12:50 цагт  “Land Cruiser Prado-150” загварын автомашинтай иргэн Х /34 настай, эрэгтэй/, М  /32 настай эмэгтэй/,   “Land Cruiser-200” загварын суудлын автомашинтай иргэн  Х/37 настай, эрэгтэй/, А /3 настай, эрэгтэй/ нар нь тус багийн “Хоргой” гэдэг газар малаа хоргоож байхад эсэн мэнд олжээ.