Хойд Солонгос Иранд хийсэн АНУ-ын цэргийн ажиллагааг буруушаав

АНУ-ын гэнэтийн агаарын цохилт Иранд 37 жилийн турш оршин тогтнож байсан Хаменеигийн дэглэмийг түлхэн унагаасантай холбогдуулан АНУ Венесуэл, Иранд агаарын цохилт хийснийг харсан Хойд Солонгос цөмийн улс гэсэн статусаа баталгаажуулахыг нэн тэргүүнд тавих төлөвтэй байна. 

Ираны агаарын цохилтоос ердөө нэг өдрийн дараа Хойд Солонгос АНУ-ыг "ичгүүргүй, гангстер маягийн авир"-аар шүүмжилж, АНУ-Хойд Солонгосын яриа хэлэлцээний урсгалыг тасалдуулж байна.

Өнгөрсөн жил Ерөнхийлөгч Трамп Хойд Солонгостой яриа хэлэлцээг идэвхтэй өрнүүлж байх үед Хятадад айлчлах үеэрээ Хойд Солонгос-АНУ-ын дээд хэмжээний уулзалт болно гэсэн хүлээлт нэлээд их байсан. Гэсэн хэдий ч өнгөрсөн долоо хоногт Ираны Дээд удирдагч Аятолла Сейед Али Хаменеи алагдсанаар нөхцөл байдал эрс өөрчлөгдсөн. Хойд Солонгосын болгоомжлол нэмэгдэж байгаа тул яриа хэлэлцээнд яаран орохын оронд цөмийн статусаа баталгаажуулахад анхаарлаа хандуулах магадлал өндөр байна. 

Хойд Солонгосын Гадаад хэргийн яамны хэвлэлийн төлөөлөгч АНУ-ын идэвхтэй дэмжлэг, хамгаалалт, ивээл дор эхлүүлсэн Израйлийн Иранд хийсэн цэргийн дайралт, түүний дараа гарсан АНУ-ын цэргийн ажиллагааг буруушааж, үүнийг "бүрэн хууль бус, жигшүүртэй түрэмгийлэл, бүрэн эрхт байдалд халдсан хамгийн аймшигтай хэлбэр" гэжээ. Тэрбээр нэмж хэлэхдээ "Ардчилсан Солонгос Ард Улс АНУ болон Израйлийн ичгүүргүй, гангстер маягийн зан авирыг хамгийн хатуугаар буруушааж байна. Тэд амин хувиа хичээсэн, дарангуйлагч хүсэл эрмэлзэлдээ хүрэхийн тулд цэргийн хүчийг ашиглахаас эргэлздэггүй" гэжээ.