Байт харвааны чансаа тогтоох тэмцээнд Монгол Улсын шигшээ баг алтан медаль хүртлээ

Тайландын нийслэл Бангкок хотод байт харвааны Дэлхийн чансааны оноо олгох "Asia Cup-World Ranking Tournament, Stage I" тэмцээн гуравдугаар сарын 21-28-ны өдрүүдэд явагдаж буй юм. 

Уг тэмцээний рекурв харвааны холимог багийн төрөлд Монгол Улсын шигшээ баг алтан медаль хүртлээ. 

Азийн наадмын аварга Б.Отгонболд, Б.Оюун-Эрдэнэ зэрэг бүрэлдэхүүнтэй манай улсын баг Хонконгийг 6:2, Малайзыг 5:3, хагас шигшээд Хятадын Тайпэйг 5:3, шигшээд Сингапурыг 6:2-оор буулган авснаар түрүүлэв.