Дональд Трамп: “Дараагийнх нь Куба" үүнийг сонсоогүй юм шиг дүр эсгээрэй

АНУ-ын Ерөнхийлөгч Дональд Трамп Венесуэл, Ираны дараа Кубад цэргийн хүч хэрэглэх талаар цухуйлгажээ.

Ройтерс агентлагийн мэдээлснээр, Ерөнхийлөгч Трамп Флорида мужийн Майами хотод болсон Ирээдүйн хөрөнгө оруулалтын санаачилгын дээд хэмжээний уулзалтын үеэр үг хэлэх үеэрээ эдгээр үгийг хэлсэн байна.

Тэрээр "Би хүчирхэг арми байгуулсан. Бид энэ армийг хэзээ ч ашиглахгүй юмсан гэж боддог ч зарим үед бид үүнийг ашиглах хэрэгтэй болдог" гэж хэлээд "Дараагийнх нь Куба" гэжээ. Үүнийг хэлснийхээ дараа тэрбээр "Үүнийг сонсоогүй юм шиг дүр эсгээрэй" гэжээ.

Ирантай хийж буй дайнтай холбогдуулан Ерөнхийлөгч Трамп "Бид одоо хэлэлцээр хийж байгаа бөгөөд ямар нэгэн зүйл хийж чадвал сайхан байх болно" гэж хэлээд "Тэд хэлэлцээрт оролцож байгаа бөгөөд тохиролцоонд хүрэхийг хүсч байгаа" гэжээ. Тэрбээр үргэлжлүүлэн "(Ирантай хийх дайн) хараахан дуусаагүй байна. 3554 бай үлдсэн бөгөөд эдгээр нь удахгүй дуусна. Үүний дараа юу хийхээ шийдэх цаг ирнэ" гэжээ. 

Ерөнхийлөгч Трамп мөн Европын НАТО-гийн холбоотнуудыг Ираны хориглосон, газрын тосны үнийн өсөлтөд хүргэж буй Ормузын хоолой руу байлдааны хөлөг онгоц илгээхээс татгалзсан гэж шүүмжилжээ. Тэрбээр “НАТО бидэнд туслаагүй нь маш том алдаа гэж би бодож байна” гэж мэдэгдээд “АНУ жил бүр НАТО-д хэдэн зуун тэрбум доллар зарцуулдаг тул тэд маш их мөнгө олж байгаа. Бид тэднийг үргэлж дэмжих байсан ч тэдний одоогийн үйл ажиллагааг харгалзан үзвэл бидэнд хэрэггүй юм шиг байна” гэж нэмж хэлжээ.