Бүсгүй та хэзээ ч “ингэж” шүршүүрт орж болохгүй

Шүршүүрт орох нь өдөр тутмын хэвшил боловч энэ үйлдлийг санамсаргүйгээр давтах нь арьсанд ачаалал өгч болзошгүй юм. Арьс судлалын эмч нарын онцолсон шүршүүрийн муу зуршлуудыг авч үзье. 

Клиникийн микробиологийн сэтгүүлийн хамгийн сүүлийн дугаарт нийтлэгдсэн судалгаагаар шүршүүрийн алчуур дахь бактери нь шөнийн турш үржиж чаддаг аж. Учир нь үхсэн арьсны эсүүд болон тослог нь ширхэгүүдийн хооронд үлдэж, бактерийн тэжээл болдог байна. 

Үнэндээ E.coli, Staphylococcus aureus, Pseudomonas aeruginosa гэх бактерууд нь нойтон шүршүүрийн хөвөн зөөлөн алчуурт амархан үрждэг байна. Алчуураа хэрэглэсний дараа сайтар угааж, зайлж, алчуураа хатаахдаа угаалгын өрөөнөөс өөр агааржуулалт сайтай газар хатааж, хадгалах хэрэгтэй аж. Нэгээс хоёр сарын дараа солих хэрэгтэйг зөвлөж байна. 

Шүршүүрт орсны дараа нойтон үсээ удаан хугацаанд алчуураар ороох зуршил нь бас сайн биш юм. Энэ нь хуйхны температур, чийгшлийг нэмэгдүүлж, бактери амархан үржих орчинг бүрдүүлдэг. Хэрэв удаан хугацаанд олон удаа давтагдах юм бол энэ нь хуйхны үрэвсэл эсвэл үс уналтад хүргэж болзошгүй юм. Хуурай алчуураар чийгийг бага зэрэг сэгсэрч, дараа нь үсээ агаарт хурдан хатаах нь зүйтэй. 

Шүршүүрт орох дараалал нь таны арьсанд нөлөөлдөг. Хэрэв та эхлээд биеэ, дараа нь үсээ угаавал шампунь, ангижруулагчийн үлдэгдэл нүүр, биен дээр үлдэж болзошгүй. Плюс Ме арьсны эмнэлгийн захирал доктор Пак Жун Су "Хэрэв химийн найрлага арьсан дээр хуримтлагдвал хаягдлыг гадагшлуулахад саад болж, арьсны асуудалд хүргэж болзошгүй" гэж хэлээд "үс, нүүр, биеийн дарааллаар угаах нь хамгийн тохиромжтой" гэв. 

Арьс бүрэн хатсаны дараа чийгшүүлэгч түрхэх нь зайлсхийх зуршил юм. Учир нь арьсны чийг уурших үед устай хамт алдагддаг. Шүршүүрт орсноос хойш гурван минутын дотор түрхэх нь хамгийн үр дүнтэй байдаг байна. 

Халуун усаар удаан шүршүүрт орох нь арьсанд ачаалал өгдөг. Судалгаагаар гараа халуун усанд дүрэх нь арьсны чийгийн алдагдал нэмэгдэж, арьсны хамгаалалт суларч, улайлт үүсгэдэг болохыг харуулсан. Арьс судлаачид шүршүүрийн температурыг 37-40 хэмийн хооронд, 41 хэмээс хэтрэхгүй байлгахыг зөвлөж байна. 

Шүршүүрт орох хугацаа 10 минутаас хэтрэхгүй байх нь тохиромжтой. Хэрэв өдөрт хоёр удаа шүршүүрт ордог бол ямар ч бие угаагч шингэн хэрэглэхгүйгээр зүгээр усаар зайлж угаах нь дээр гэж эмч нар зөвлөж байна.