NEW YORK POST: Путинд юу тохиолдов

Оросын Ерөнхийлөгч Владимир Путины эрүүл мэндийн талаарх таамаглал саяхны зургуудад түүний царай хөгшрөлтийн шинж тэмдэг илэрсэнтэй холбоотойгоор онлайн орчинд дахин тархаж байна.

Нью-Йорк Пост сонинд мэдээлснээр, Ерөнхийлөгч Путин энэ сарын 9-ний өдөр Москвагийн Улаан талбайд болсон Ялалтын баярын цэргийн жагсаалд оролцжээ. Ялалтын баяр бол Дэлхийн 2-р дайны үеэр Зөвлөлт Холбоот Улс Нацист Германыг ялсныг тэмдэглэдэг Оросын хамгийн том үндэсний арга хэмжээний нэг юм.

Энэхүү арга хэмжээний дараа онлайн орчинд Ерөнхийлөгч Путины гадаад төрхийн өөрчлөлтийн талаар янз бүрийн хариу үйлдэл гарчээ. Ялангуяа түүний царай хавдсан, ядарсан байгааг илтгэсэн ярвайсан байдал нь эрүүл мэндийн асуудалтай холбоотой байж магадгүй гэсэн таамаглал дэвшүүлжээ.

Украиныг дэмжигч X ( өмнө нь Твиттер гэж нэрлэдэг байсан) хаягт "Путины царайнд юу тохиолдсон бэ?" гэжээ. Өөр нэг интернет хэрэглэгч уг арга хэмжээний үеэр Ерөнхийлөгч Путины зовж шаналж буй царайны зургийг нийтэлжээ.

Зарим интернет хэрэглэгчид "Түүний насыг бодсон ч гэсэн тэр эрүүл хүний царай шиг харагдахгүй байна", "Түүнд ботокс хэрэгтэй юм шиг байна" гэж сэтгэгдэл үлдээжээ.

Энэ жилийн Ялалтын баярын цэргийн жагсаалын цар хүрээ өмнөх жилүүдтэй харьцуулахад багассан нь анхаарал татсан юм. Хуягт машин, баллистик пуужин зэрэг зарим хүнд зэвсгийн үзүүлбэрийг багасгаж, Ерөнхийлөгч Путины эргэн тойрон дахь аюулгүй байдлыг нэлээд чангатгасан бололтой.

Оросын улс төрийн тоймч Сергей Марков Telegram-аар дамжуулан үүнийг "даруухан жагсаал" гэжээ.