Засгийн газар хоорондын нөхцөлт зээлийн хэлэлцээрийн хүрээнд гурван төсөл амжилттай хэрэгжиж дуусаад байна

Аюулгүй байдал, гадаад бодлогын байнгын хороо, Төсвийн байнгын хорооны хамтарсан өнөөдөр /2026.05.12/-ийн хуралдаанаар Монгол Улсын Засгийн газар, Бүгд Найрамдах Польш Улсын Засгийн газар хоорондын нөхцөлт зээлийн хэлэлцээрийн нэмэлт, өөрчлөлтийн төслийг хэлэлцэж дэмжлээ.

Хэлэлцээрийн хүрээнд хэрэгжих таван төслөөс гурван төсөл нь амжилттай хэрэгжиж дууссан. Харин Баян-Өлгий, Увс, Завхан, Говьсүмбэр, Дорнод аймгуудын бохир ус цэвэрлэх байгууламжийн өргөтгөл шинэчлэх, шинээр барих төсөл, Эрдэнэт хотод хатуу хог боловсруулах үйлдвэр байгуулах, хог хаягдлыг татан зайлуулах менежментийг сайжруулах төслүүд үргэлжилж байна.