Завхан, Хөвсгөл, Увс аймгийн нутгаар 48 см хүртэл цасан бүрхүүл тогтлоо

Цаг уур, орчны шинжилгээний газраас мэдээлснээр өнгөрсөн хоногт буюу 2026 оны тавдугаар сарын 20-21-нд шилжих шөнө Завхан аймгийн зарим нутаг, Хөвсгөл аймгийн баруун хэсэг, Увс аймгийн нутгаар цасан бүрхүүл тогтжээ.

Тодруулбал, дээрх бүс нутгуудад 1.0-48.0 см хүртэл зузаан цас орж, цасан бүрхүүл тогтсон байна. Иймд иргэд, малчид, жолооч нарыг цаг агаарын нөхцөл байдалд тохируулан анхаарал болгоомжтой зорчихыг мэргэжлийн байгууллагуудаас анхаарууллаа.