Арслантай гүүр орчимд зам тээврийн осол гарч, нэг хүн гэмтжээ

Өнөө өглөө Сүхбаатар дүүргийн 1 дүгээр хороо, Энхтайваны өргөн чөлөө, Арслантай гүүрний баруун талд зам тээврийн ноцтой осол гарчээ. 

Ослын улмаас “Toyota Prius” маркийн автомашинд зорчиж явсан нэг зорчигчийн биед гэмтэл учирч, эмнэлгийн байгууллагад хүргэгджээ.

Одоогоор ослын шалтгаан, нөхцөлийг тогтоох ажиллагаа үргэлжилж байгааг албаныхан мэдээллээ.