НЕБ-ын 157-р  сургууль 230 сурагч, 41 багш, ажилтантай үйл ажиллагаагаа явуулж байна

Математик, англи хэл, байгалийн ухааны төрөлжсөн сургалттай нийслэлийн ерөнхий боловсролын 157 дугаар сургуульд өнөөдөр Боловсролын сайд Л.Энх-Амгалан ажиллалаа.

2023 онд БШУ-ны сайдын А/456 тоот тушаалаар “Ерөнхий боловсролын төрөлжсөн ахлах сургуулийн туршилтыг” сонгогдсон дөрвөн сургуульд хэрэгжүүлэхээр шийдвэрлэсэн. Үүний нэг нь Нийслэлийн ерөнхий боловсролын 157 дугаар сургууль юм.

2024-2025 оны хичээлийн жилээс эхлэх Математик, Байгалийн ухааны төрөлжсөн хөтөлбөрөөр хичээллэх болсон. Одоо Математик, Хими, Биологи, Физик гэсэн 4 чиглэлээр төрөлжсөн сургалтын хөтөлбөрийг хэрэгжүүлж байна.