НӨАТ-ын сугалааны тохирлоор нэг супер азтан тодорчээ

Нэмэгдсэн өртгийн албан татварын (НӨАТ) урамшууллын сугалааны тохирол өнөөдөр болж, найман орон таарсан нэг супер азтан тодорлоо.

Энэ удаагийн тохиролд 2026 оны долоодугаар сарын 1-31-ний өдрүүдэд худалдан авалт хийж, цахим системд бүртгүүлсэн нийт 55,785,396 баримт оролцжээ.

Сугалааны тохирлын дугаар 18083264 байсан бөгөөд уг дугаарт найман орон таарсан нэг баримт супер азтанаар тодорч, 5-30 сая төгрөгийн урамшуулал хүртэхээр болжээ.

Тохирлын дүнгээр:

• 3 орон таарсан – 50,185 баримт, 30,000-60,000 төгрөгийн урамшуулал
• 4 орон таарсан – 5,036 баримт, 40,000-100,000 төгрөгийн урамшуулал
• 5 орон таарсан – 490 баримт, 60,000-500,000 төгрөгийн урамшуулал
• 6 орон таарсан – 50 баримт, 100,000-5 сая төгрөгийн урамшуулал
• 7 орон таарсан – 3 баримт, 500,000-10 сая төгрөгийн урамшуулал
• 8 орон таарсан – 1 супер азтан, 5-30 сая төгрөгийн урамшуулал тус тус хүртэхээр болжээ.