Монгол Улсын нийслэл Улаанбаатар, 21 аймгийн агаарын чанарыг автоматаар хянах боломжтой боллоо

Монгол Улсын Байгаль орчин, уур амьсгалын өөрчлөлтийн яам, БНСУ-ын Байгаль орчны яам, Байгаль орчны корпорацитай хамтран хэрэгжүүлсэн энэхүү төсөл 2023-2026 онд нийт 8.9 сая ам.долларын буцалтгүй тусламжийн санхүүжилтээр хэрэгжүүлсэн байна.

Ингэснээр агаар дахь хүхэрлэг хий, азотын ислүүд, РМ2.5, РМ10 тоосонцор, озон, нүүрстөрөгчийн дутуу исэл болон цаг уурын үзүүлэлтийг төвийн хэмжээнд болон аслагдсан суурин газруудад явуулын станцаар тасралтгүй хэмжих боломж бүрдэж байгаа юм. 

Хэмжилтийн мэдээллийг иргэд, олон нийт "agaar.gov.mn платформ" (https://agaar.gov.mn?utm_source=chatgpt.com)-оор бодит цагийн горимоор харах боломжтой боллоо.

Төслийн хүрээнд мэдээлэл боловсруулах, үр дүнг үнэлэх, тайлан гаргах MAMIS программыг хөгжүүлсэн байна. 

Мөн хүний нөөцийн чадавхыг нэмэгдүүлэх зорилгоор БНСУ болон Монгол Улсад нийт 240 орчим албан хаагчийг танхмын болон цахим сургалтад хамруулсан нь цаашид агаарын чанарыг хянах тогтолцоо урт хугацаанд тогтвортой үргэлжлэх боломжийг бүрдүүлж буйгаараа давуу талтай юм.