Пусан хотод тайз суурилуулж байсан Монгол ажилчин цахилгаанд цохиулжээ

Солонгосын Пусан хотод концертын тайз суурилуулж байсан Монгол ажилчин цахилгаанд цохиулж, зүрхний шигдээс болсон ч түүний амийг аварч чаджээ.

Пусан хотын гал түймэр, гамшгийн төвийн мэдээлснээр, энэ сарын 14-ний өдрийн 18:16 цагт 40 орчим насны А гэгч Монголын Улсын иргэн Пусан хотын төв цэнгэлдэх хүрээлэнд тайз суурилуулах ажил хийж байхдаа 10 метрийн өндөр байгууламж дээр цахилгаанд цохиулжээ.

 А-ийн зүрх нь зогссон боловч автомат дефибриллятор ашиглан яаралтай арга хэмжээ хийсэн бөгөөд цусны эргэлт сэргэснийг баталгаажуулсны дараа түүнийг эмнэлэгт шилжүүлсэн байна.

Цагдаа, гал сөнөөгчид ослын нөхцөл байдлыг нарийвчлан шалгаж байна гэжээ.