Зөвлөгөө: Бүдүүн гэдэсний хорт хавдрын "гэнэтийн" шинж тэмдгүүд

Ихэнх хорт хавдрын нэгэн адил бүдүүн гэдэсний хорт хавдрын эрт илрүүлж, цаг алдалгүй эмчилбэл үр дүнтэй байдаг. Хорт хавдрын бүртгэлийн мэдээллээс харахад хорт хавдар анх үүссэн эрхтнээс цааш тархаагүй үед 5 жилийн харьцангуй амьдрах түвшин 94.9% буюу маш өндөр байдаг байна. Эмнэлгийн тусламжийг хурдан авахын тулд хорт хавдар үүсэх үед ямар шинж тэмдэг илэрч байгааг урьдчилан мэдэх нь зүйтэй.

ӨТГӨН ЯЛГАДАС

АНУ-ын бүдүүн гэдэсний мэс засалч доктор Кетан Танкийн хэлснээр бүдүүн гэдэсний төгсгөлийн хэсэг болох шулуун гэдсэнд хавдар үүссэн тохиолдолд өөрийн мэдрэлгүй өтгөн гадагшилж болзошгүй юм. Шулуун гэдэсний сфинктерт мэдрэлийн дохио өгөх замаар өтгөнийг барих чадварыг бууруулдаг байна. Гэсэн хэдий ч эдгээр шинж тэмдгүүд нь хөгшрөлт, аарцгийн ёроолын үйл ажиллагааны алдагдал, анорексийн мэс засал, мэдрэлийн эмгэг, геморрой, үрэвсэлт гэдэсний өвчин зэрэг бусад хүчин зүйлээс үүдэлтэй байж болно. Хэрэв таны өтгөн гэнэт гадагшилж байвал хоол боловсруулах эрхтний эмч эсвэл бүдүүн гэдэсний мэс засалч дээр очих нь зүйтэй.

ЦУС БАГАДАЛТ

“Cancer Diagnosis & Prognosis” сэтгүүлд бичсэнээр бүдүүн гэдэсний хорт хавдартай өвчтөнүүдийн 30-75% нь цус багадалттай байдаг байна. Хавдрын улмаас үүссэн архаг цус алдалтыг гол шалтгаан гэж үздэг. Судлаачид архаг үрэвслийн үед гепсидин хэмээх даавар ялгарахад арван хоёр нугалаа гэдсэнд төмрийн шингээлт саатаж, улмаар чөмөгт улаан эсийн үйлдвэрлэл хязгаарлагддаг гэжээ. Хэрэв цус багадалт, ядрах, нойрмоглох, амьсгал давчдах зэрэг шинж тэмдэг илэрвэл төмрийн дутагдлын үндсэн шалтгааныг тодорхойлохын тулд дурангийн шинжилгээ, цусны шинжилгээ хийлгэх хэрэгтэй.

БӨӨЛЖИХ

АНУ-ын Эрүүл мэндийн үндэсний хүрээлэнгийн мэдээлснээр, бүдүүн гэдэс, өндгөвч, нойр булчирхай, ходоодны хорт хавдар зэрэг хэвлийн хөндийд үүсдэг хорт хавдар нь бусад төрлийн хорт хавдраас илүү гэдэсний түгжрэл үүсгэх магадлал өндөр байдаг байна. Хорт хавдар нь гэдэсний дотор үүссэн эсвэл шахагдсан тохиолдолд эрсдэл өндөр байдаг. Гэдсээр дамжин хоол хүнсний хөдөлгөөнийг зохицуулдаг мэдрэлийн хэсэгт хавдар үүссэн тохиолдолд гэдэсний түгжрэл үүсэж болно. Хэрэв байнга бөөлжих нь хэвлийн хөндийн гэдэс дүүрэх, өвдөх зэрэг шинж тэмдгүүд дагалддаг бол шалтгааныг эмнэлэгт рентген зураг, компьютер томографи (CT), дурангийн шинжилгээ, хэт авиан шинжилгээ зэрэг шинжилгээгээр тодорхойлох шаардлагатай ажээ.