“УБТЗ” ХНН, Геронтологийн үндэсний төв ахмадын эрүүл мэндийг дэмжих чиглэлээр хамтран ажиллана

“УБТЗ” Хувь нийлүүлсэн нийгэмлэг, ЭМЯ-ны харьяа Геронтологийн үндэсний төвтэй хамтран ажиллана.

НҮБ-ын Ерөнхий Ассамблейгаас 1990 онд гаргасан шийдвэрийн дагуу жил бүрийн 10 дугаар сарын 01-ний өдрийг Олон улсын ахмадын өдөр хэмээн тэмдэглэн өнгөрүүлдэг. 

Энэхүү өдрийг тохиолдуулан “УБТЗ" ХНН-ийн дарга Х.Хэрлэн, Эрүүл мэндийн яамны харьяа Геронтологийн үндэсний төвийн захирал Д.Бат-Ундрах, “УБТЗ” ХНН-ийн ахмадын холбооны дарга Б.Цогтбаяр нар харилцан ойлголцлын санамж бичигт гарын үсэг зурлаа.

Энэхүү санамж бичгээр 2 байгууллагын хамтын ажиллагааг өргөжүүлэх, УБТЗ ХНН-ийн ахмадуудын эрүүл мэндийг дэмжих, талуудын оролцоог нэмэгдүүлэх зэргээр өргөн хүрээнд хамтран ажиллахаар тусгасан юм.