22 настай эрэгтэй 58 настай эмэгтэйг мөргөж амь насыг нь хохироогоод хэргийн газраас зугтжээ

Цагдаагийн байгууллагад аравдугаар сарын 11-ний өдрийн 05:00 цагийн орчимд автомашинд хүн мөргүүлсэн гэх дуудлага, мэдээлэл бүртгэгджээ.

Тодруулбал, нийслэлийн Сүхбаатар дүүргийн нутаг дэвсгэрт 22 настай эрэгтэй тээврийн хэрэгсэл жолоодож явахдаа 58 настай эмэгтэйг мөргөж, амь насыг нь хохироогоод хэргийн газраас зугтсан байна.

Цагдаагийн алба хаагчид шуурхай эрэн сурвалжлах ажиллагаа явуулсны үр дүнд зам тээврийн ноцтой осол гаргаж, хэргийн газраас зугтсан жолоочийг олж тогтоожээ. Одоогоор уг хэргийг үргэлжлүүлэн шалгаж байгаа аж. Зам тээврийн осолд холбогдсон жолооч ослын талаар цагдаагийн байгууллагад нэн даруй мэдэгдэж, алба хаагчдыг иртэл хэргийн газрыг орхихгүй байх үүрэгтэй. Мөн ослын улмаас хүн гэмтсэн, амь нас нь хохирсон тохиолдолд яаралтай тусламж дуудаж, шаардлагатай арга хэмжээ авах хэрэгтэй.