Сонгуулийн өмнө Тайваньд бэлэн мөнгө тараах өрсөлдөөн эхэлжээ

Тайванийн сөрөг хүчний нам нэг хүнд 20,000 Тайвань доллар санал болгосноор сонгогчдын саналыг татахын тулд өрсөлдөж байгаа бол эрх баригч нам 10,000 Тайвань доллар санал болгож байна.

Тайванийн орон нутгийн хэвлэл мэдээллийн хэрэгслүүд, түүний дотор China Times сонины мэдээлснээр, гол сөрөг хүчний Гоминдан нам хурлаа хийж, ирэх сарын 28-нд болох орон нутгийн сонгуулийн өмнө Хууль тогтоох байгууллагаар дамжуулан "хиймэл оюун ухааны урамшуулал" олгох тусгай тогтоолын төслийг батлахаа мэдэгджээ.

Төлбөрийн хэмжээ нь нэг хүнд 20,000 Тайвань доллар (ойролцоогоор 2,2 сая төгрөг) байна. Гоминдан нам энэ жилийн татварын илүүдлийг санхүүжилтийн эх үүсвэр болгон ашиглах бодолтой байгаагаа илэрхийлж, санхүүгийн сахилга баттай байхыг дурдаж, Гүйцэтгэх засаглалд үүнийг хаахгүй байхыг шахаж гэжээ.

Эрх баригч Ардчилсан Дэвшилтэт Нам ч зүгээр суугаагүй. Өмнөх өдөр нь Ерөнхийлөгч Лай намын хурлаараа нэг хүнд 10,000 Тайвань доллар (ойролцоогоор 1,1 сая төгрөг) олгох хуулийн төслийг хурдан батлахыг уриалжээ. 

Тайвань улс нийт таван удаа хэрэглээний купон болон бэлэн мөнгө тараасан бөгөөд 2008 оны санхүүгийн хямралын дараа 3600 Тайвань долларын хэрэглээний купон, дараа нь COVID-19 цар тахлын үед хоёр удаа, 2023 онд эдийн засгийг өдөөх зорилгоор 6000 Тайвань доллар, 2025 онд АНУ-тай харилцан тарифын нөлөөллийг бууруулах зорилгоор 10000 Тайвань доллар тараасан. Энэ нь бэлэн мөнгө тараахтай холбоотой зургаа дахь хэлэлцүүлэг өрнөөд байна.