Эмч мэс заслын үеэр өвчтөний элгэнд өөрийн нэрийг сийлжээ

Солонгосын SBS телевизийн "Doctor X: The Era of the White Mafia" нэвтрүүлгээр өвчтөний эрхтэн дээр өөрийн нэрийн үсгээ сийлсэн эмч нарын хэргийн талаар гаргасан нь олон нийтийг бухимдуулаад байна.

Энэхүү аймшигтай, утгагүй явдал бодит амьдрал дээр болсон гэдгийг мэдээд хүмүүс цочирдож, итгэж чадахгүй байна. 

Бирмингемийн Хатан хаан Элизабет эмнэлэгт ажиллаж байсан мэс засалч Саймон Брамхалл элэг шилжүүлэн суулгах мэс засалд орсон хоёр өвчтөний элэгний гадаргуу дээр нэрийнхээ эхний үсгээ сийлжээ.

Түүний ашигласан багаж нь мэс заслын үеэр цус алдалтыг зогсооход ашигладаг "аргон туяа" байжээ. Тэрбээр энэ төхөөрөмжийг ашиглан элэгний гадаргууг хөнгөн шатааж, ойролцоогоор 4 см хэмжээтэй үсэг үлдээжээ.

Мэдээ алдуулалтанд орсон өвчтөнүүд биен дээрээ ийм ул мөр үлдээснийг мэдээгүй байв. Энэ явдал хожим нь өөр нэг эмч дараагийн мэс заслын үеэр элгэн дээрх эхний үсгийг олж мэдсэнээр ил болжээ. Тэрбээр хуулийн хариуцлагаас мултарч чадаагүй бөгөөд эмчид торгууль ногдуулж, эмчлэх эрхийг нь цуцалжээ.

Мөн 2018 онд Британийн шүүх Саймон Брамхоллыг 10,000 фунт стерлингийн торгууль ногдуулж, 12 сарын олон нийтийн ажил хийлгэх ял оноосон. Үүний дараа эмнэлгийн байгууллагууд сахилгын арга хэмжээ авсны дараа түүний эмчлэх эрхийг цуцалсан.

Үүнтэй төстэй явдал АНУ-д гарч байжээ. 1999 онд Нью-Йоркийн эх барих эмэгтэйчүүдийн эмч Алан Закин мэс заслын хутга ашиглан кесар хагалгаа хийлгэж буй эмэгтэйн хэвлийд өөрийн нэрийн эхний үсгүүд болох 'A', ' Z'-ийг сийлсэн байна.

Алан Закиныг хүнд гэмт хэрэгт буруутгаж, таван жилийн тэнсэн харгалзах ял оноожээ. Түүний эмчлэх эрхийг мөн цуцалсан байна. Тухайн үед Америкийн хэвлэл мэдээллийн хэрэгслүүд түүнийг " Доктор Зорро " гэж нэрлэдэг байжээ.