СОНИРХОЛТОЙ ТҮҮХҮҮД: Жолооны шалгалтаа 960 удаа өгсний эцэст тэнцэж чадсан эмээгийн түүх

Тэр 959 удаа бүтэлгүйтсэн ч 960 дахь удаагаа дахин оролдохоор ирсэн юм. 

Одоогоос 20 гаран жилийн өмнө буюу 2005 онд Өмнөд Солонгосын 69 настай Ча Са Сун гуай олон хүнд энгийн, хэвийн зүйл мэт санагддаг жолооны үнэмлэхтэй болохоор шийджээ. Нийтийн тээвэр төдийлөн яваад байдаггүй, уулархаг хөдөө нутагт амьдардаг тэрбээр чөлөөтэй зорчихыг хүсэж, цаашлаад ач зээ нараа амьтны хүрээлэнд дагуулж очихыг мөрөөдөж,  машинтай болохыг хүсжээ. Гэвч эмээд тулгараад байсан саад бэрхшээл нь жолооны үнэмлэх байв.

Тэрбээр Өмнөд Солонгосын жолооны шалгалтын онолын хэсэгт удаа дараа унаж, нийт 950 удаа шалгалт өгсний эцэст сая нэг тэнцжээ. Үүний дараа жолоодлогын практик шалгалтаа амжилттай өгч, нийтдээ 960 дахь оролдлогоороо жолооны үнэмлэхээ гардан авсан байна. Тэрбээр олон жилийн турш хичээлээ давтаж, шалгалтын төв рүү явсаар, шантралгүйгээр дахин дахин очсоор л байв.

Эцэст нь түүнийг амжилтад хүрэхэд баярын уур амьсгал үнэхээр өндөр байлаа. Багш нар нь түүнийг тэврэн баяр хүргэж, цэцэг бэлэглэсэн бол түүний гайхалтай тууштай зан чанар нь түүнийг улс даяар алдартай нэгэн болгосон юм. Хожим нь "Hyundai-Kia" компани түүнд тухайн үедээ ойролцоогоор 16,800 ам.долларын үнэ бүхий цоо шинэ машин бэлэглэж байв.

Түүний талаар та нэг бодоод үзээрэй. Нийт 959 удаа бүтэлгүйтсэн ч тэрбээр огт шантраагүй юм. Та байсан бол шантрах байсан уу? 

Түүний энэ түүх зөвхөн жолоо барих тухай биш юм. Энэ бол бүтэлгүйтлээр өөрийнхөө хувь заяаг шийдүүлэхээс татгалзах үед юу болдгийг харуулсан түүх билээ.

Заримдаа амжилт гэдэг нь тухайн орчинд байгаа хүмүүсээс хамгийн ухаалаг, хамгийн хурдан эсвэл төрөлхийн хамгийн авьяаслаг нь байхыг хэлдэггүй. Харин заримдаа зүгээр л "Би дахиад нэг удаа оролдоод үзье" гэж хэлж чадах хүн байхын нэр юм.

Хэрэв та одоо ямар нэгэн зүйл дээр бэрхшээлтэй тулгарч байгаа бол энэ түүхийг хадгалаад аваарай. Өөртөө сануулах хэрэгтэй үедээ эргэн хараарай.

Өдгөө Ча Са Сун эмээ 90 насыг зооглож, төрөлх тосгондоо, ач зээгээ эрхлүүлэн аж төрөн сууна.

Хэдэн удаа бүтэлгүйтсэнээсээ болж хэзээ ч битгий оролдохоо боль.