Улсын арслан Э.Батмагнай Өндөр гэгээний даншигт зодоглоно

Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жил, Ардчилсан хувьсгалын 35 жилийн ой Үндэсний их баяр наадмын хүчит бөхийн барилдаанд Баянхонгор аймгийн Жинст сумын харьяат Улсын начин Э.Батмагнай ес даван түрүүлж, Улсын арслан цол хүртсэн билээ.

Тэрбээр Анхдугаар богд Занабазарын мэлмий гийсний 390 жилийн ой, Өндөр гэгээн даншиг наадмын хүчит 512 бөхийн барилдаанд зодоглохоор бүртгүүлжээ.

Барилдаан долоодугаар сарын 26, 27-ний өдрүүдэд Өвөрхангай аймгийн Арвайхээр хотноо болно. Түрүү бөх Ланд круйзер 300 автомашины эзэн болох аж.