Улаанбурхан өвчний нийт батлагдсан тохиолдол 13 мянга болжээ

Халдварт өвчин судлалын үндэсний төвийн өнөөдөр буюу наймдугаар сарын 7-ны байдлаар улаанбурхан өвчний нийт батлагдсан тохиолдол 13.171 болжээ.

Эмнэлэгт 57 хүн хэвтэн эмчлүүлж байгаагаас, биеийн байдал:

• Хөнгөн- 8
• Дунд- 48
• Хүнд- 1  байна.

Нийт нөхцөл байдлын хувьд эдгэрсэн 13066, гэрээр эмчлүүлж буй 38 хүн байгаа бол 10  хүн нас баржээ. Харин хавьтал болсон нийт 96710 хүн байна.

Насны бүлгээр авч үзвэл 10-14 насны хүүхдүүдийн дунд өвчлөл хамгийн өндөр байгаа юм. Тодруулбал энэ насны 4994 хүүхэд тус өвчнөөр өвджээ. 

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Тус өвчнөөс урьдчилан сэргийлэх хамгийн үр дүнтэй арга бол хоёр тунт вакцин тул иргэдийг дархлаажуулалтад хамрагдахыг албаныхан уриаллаа. 

А.НОМИН