Skyscanner Солонгосчуудад Монголд аялахыг зөвлөжээ

Skyscanner өнгөрсөн 10-р сард платформынхоо солонгос хэрэглэгчдийн дунд явуулсан аяллын сэдвийн судалгаанд оролцогчдын 79% нь уулын аялалд эерэг хариулт өгсөн гэж мэдэгдэв.

Тэднээс гадаадад ууланд авирах аялалд явах эсэх талаар асуухад 76 хувь нь эергээр хариулжээ. Дотоодын болон олон улсын аяллууд түгээмэл болж, уулын аялал жуулчлал ч нэмэгдэж байна.

Дэлхийн аялал жуулчлалын Skyscanner аппликейшн 12-р сарын 11-нд "Олон улсын уулын өдөр"-ийг тэмдэглэхэд зориулан  Солонгосчуудад байгальд баясах "Уулын уур амьсгал" аялах газруудын талаар хуваалцаж, аяллаа төлөвлөхөд тань туслах зөвлөмжийг өгчээ.

Солонгосчуудад маш ээлтэй нь Монголын Тэрэлжийн байгалийн цогцолборт газар гэжээ. Тус  газар нь Улаанбаатар хоттой харьцангуй ойрхон, байгальд бүрэн дүүрэн байх боломжийг олгодог. 

Мөн Тэрэлжийн байгалийн цогцолборт газрын бэлгэ тэмдэг болсон Мэлхий хад, морь унах, Монгол гэртэй танилцах зэрэг орон нутгийн өвөрмөц онцлогтой олон төрлийн үйл ажиллагаануудыг үзэх боломжтой.

Тэрэлжийн байгалийн цогцолборт газарт Улаанбаатар хотоос түрээсийн машин, такси зэрэг орон нутгийн тээврийн хэрэгслээр хүрч болно. 12-р сарын байдлаар Сөүл-Улаанбаатар чиглэлийн хоёр талын нислэг 320 мянган воноос эхэлж байна гэж зөвлөжээ.