Цуунд дэвтээсэн хачин жигтэй зүйлс иддэг TIKTOK-чин хаягаа хаалгажээ

Хятадын мукбанг TIKTOK-чин  нь цуунд дэвтээсэн бохь, жоом зэрэг хачин жигтэй хооллож буй шууд дамжуулалтаараа алдартай болсон боловч интернет хэрэглэгчид түүний талаар гомдол гаргаж бүртгэлийг нь хаалгасан байна.

Хонконгийн South China Morning Post ( SCMP ) болон Хятадын The Paper сонинд мэдээлснээр, "Цянь Цянь Цянь" гэсэн бүртгэлтэй нөлөө бүхий хэрэглэгчийн бүртгэлийг хаахаас өмнө гурван платформ дээр 700,000 дагагч, 10 сая лайктай байжээ.

Тэрбээр цуунд дэвтээсэн омега-3 капсул зэрэг хэд хэдэн хачин гэмээр зүйлсийг идэж үзүүлжээ. Энэ оны 6-р сард тэрээр нэг шил омега-3 капсулыг цуунд хийж, 20 орчим ширхэгийг идэж буй бичлэгээ цахим орчинд байршуулсан байна.

Олон нийтийн зүгээс шүүмжлэл маш ихээр ирсэн ч үл харгалзан тэбрээр мөн адил хачин жигтэй үйлдэлээ давтсан хийсээр байж.
Мөн энэ оны 8-р сард байршуулсан бичлэгтээ цуунд дэвтээсэн боодол бохь ууж байгаа нь 390,000 лайк, 140,000 сэтгэгдэл авсан байна.

Тэрээр мөн ургамлын гаралтай эмчилгээнд хэрэглэдэг хатаасан жоом, үнэгэн сүүлт өвс идэж байгаа нь, мөн хоол боловсруулах ферментийн найман шахмал эм ууж, нэг аяга цуу ууж байгаа гэх зэрэг бичлэгүүдээ оруулжээ.

Түүний контент олон нийтийн дургүйцлийг хүргэж, зарим нь түүнийг тус платформд нь гомдол гаргажээ. Нэгэн интернет хэрэглэгч "Бүх насны хүмүүс олон нийтийн мэдээллийн хэрэгслийн платформ ашиглаж байна. Хэрэв зөв бурууг ялгаж чадахгүй хүүхдүүд түүний видеог үзэж, түүнээс суралцаж байгаа бол яах вэ? Платформ ийм видеог яах гэж зөвшөөрдөг юм бэ?" гэж асуужээ.

Хачин жигтэй мукбангууд үзэгчдийг өөртөө татахыг оролдож буй нь ганцхан энэ биш юм. Бас нэгэн мукбанг шууд дамжуулалтын үеэрээ аяга дүүрэн тос ууж, амьд алтан загас идэж байв.

Өнгөрсөн жил 24 настай Хятадын мукбанг YouTuber шууд дамжуулалтын үеэр эмгэнэлтэйгээр нас барсан. Тэрээр мукбанг контентынхоо ашиг орлогыг харсны дараа өдөрт 10 цаг хүртэл хоол идэхэд зориулсан.

2023 онд Хятадын баруун өмнөд хэсгийн Сычуань мужийн Ибинь хотод хэт их идэх, хэт хурдан идэх, хачин жигтэй хооллох хэв маяг зэрэг хэвийн бус мукбангуудыг хориглох албан ёсны тушаал гаргасан байна.

Эх сурвалж: South China Morning Post