АНУ-ын Эрүүл мэндийн яамнаас кимчи хэрэглэхийг зөвлөжээ

АНУ-ын засгийн газрын шинэ хоолны дэглэмийн удирдамжид исгэсэн хоол хүнс болох кимчи хэрэглэхийг зөвлөсөн нь олны  анхаарлыг  татаад байна.

АНУ-ын Эрүүл мэндийн яам ( HHS ) болон Хөдөө аж ахуйн яам ( USDA ) эдгээр зөвлөмжийг багтаасан "Америкчуудад зориулсан хоолны дэглэмийн удирдамж (2025-2030)"-ийг гаргасан бөгөөд үүнд эдгээр зөвлөмжийг оруулсан байна.

Холбооны засгийн газар эрүүл хооллолтын зуршил, хоол тэжээлийг дэмжих зорилгоор хоолны дэглэмийн удирдамжийг таван жил тутамд баталдаг байна. "Жинхэнэ хоол хүнс" гэж онцолсон удирдамжид боловсруулсан хүнсний хэрэглээг хязгаарлахыг зөвлөж, исгэсэн хүнсний талаар гэдэсний эрүүл мэндэд үзүүлэх ашигтай нөлөөг дурдсан байна.

Удирдамжид "гэдэс нь микробиом гэгддэг олон триллион бактери болон бусад бичил биетний өлгий нутаг" бөгөөд "кимчи, даршилсан байцаа, мисо зэрэг исгэсэн хоол хүнсээр баялаг хоолны дэглэм нь хүнсний ногоо, жимс жимсгэнэтэй хамт гэдэсний микробиотыг бий болгоход тусалснаар эрүүл мэндэд тустай" гэдгийг онцолжээ.

Кимчи АНУ-д олны анхаарлыг татаж байгаа бөгөөд Калифорни, Виржиниа, Нью-Йорк зэрэг мужуудын кимчи хэрэглэгчдийн тоо нэмэгдэж, "Кимчиний өдрүүд"-ийг тэмдэглэх болжээ. Холбооны засгийн газрын шинэ хоолны дэглэмийн удирдамжид кимчи багтсан тул БНСУ-ын засгийн газар болон хүнсний салбарынхан энэ нь дотоодын кимчи экспортыг нэмэгдүүлнэ гэж найдаж байгаа ажээ. 
 

Эх сурвалж: Farmers' Newspaper