Налайх, Багахангай дүүргийн иргэдэд төрийн дээд одон медаль гардууллаа 

Сүрээр дарагч хэмээх Гал морин жилийн Сар шинийн баярыг тохиолдуулан эрхэлсэн ажил, салбартаа олон жил үр бүтээлтэй ажиллаж онцгой амжилт гаргасан Налайх, Багахангай дүүргийн иргэдийг Монгол Улсын Ерөнхийлөгч У.Хүрэлсүхийн зарлигаар төрийн дээд одон медалиар шагналаа. 

Шагналыг УИХ-ын гишүүн С.Амарсайхан, Ц.Сандаг-Очир нар гардуулан өгч, улс эх орон, түмэн олныхоо төлөөх зориулсан хөдөлмөр зүтгэлд нь хүндэтгэл үзүүлж, Хөдөлмөрийн гавьяаны улаан тугийн одон, Алтан гадас одон, Хөдөлмөрийн хүндэт медалиар тус тус шагнагдсан алдартан гавьяатнууддаа Монгол Улсын Их Хурлын нэрийн өмнөөс амжилт хүслээ.