Гранд Плаза төв оффисын барилгын 8 давхраас цахилгаан шат унаж, 7 хүн гэмтжээ

Баянгол дүүргийн 2 дугаар хорооны нутагт байрлах “Гранд плаза” төвийн оффисын барилгын 8 давхраас лифт унаж, 7 иргэн гэмтсэн осол гарчээ.

Урьдчилсан мэдээллээр, тог тасарсны улмаас цахилгаан шат доголдож, улмаар лифт доош унасан байна.

Ослын үеэр лифтэнд байсан 7 хүнээс 1 иргэний хөл гэмтсэн бөгөөд бусад иргэдийн биеийн байдалд одоогоор ноцтой гэмтэл тогтоогдоогүй гэж Цагдаагийн байгууллагаас мэдээллээ.