Б.Энх-Оргилын аваргын бүсээ хамгаалах тулаан ирэх сард болно

ONE Championship холбооны Bantamweight жингийн дэлхийн аварга Б.Энх-Оргил аваргын бүсээ хамгаалах ээлжит тулаанаа ирэх долдугаар сарын 31-нд хийхээр албан ёсоор товлогдлоо. Тэрбээр Тайландын Бангкок хотын алдарт Lumpinee Stadium-д болох "The Inner Circle 24" тэмцээний оргил тулаанд Азербайжаны ялагдал хүлээгээгүй тулаанч Элбек Алышовтой хүч үзэх юм.

27 настай Алышов мэргэжлийн холимог тулааны спортод 10 тулаан хийж, бүгдэд нь ялалт байгуулсан амжилттай яваа бөгөөд ялалтынхаа наймыг боолтын мэхээр авсан байна.

Харин Б.Энх-Оргилын хувьд дэлхийн аваргын бүсээ хамгаалах ээлжит сорилттой нүүр тулж байгаа бөгөөд түүний өрсөлдөгчийн ялагдалгүй амжилт энэхүү тулааны сонирхлыг улам бүр нэмэгдүүлж байна. Монголын тамирчин аваргын бүсээ хадгалж үлдэх үү, эсвэл шинэ аварга төрөх үү гэдэг асуултын хариу долдугаар сарын 31-нд тодорхой болно.