Самбалхүндэвийн хаалттай оршуулгын газрын шарилыг нүүлгэн шилжүүлэх ажил явагдаж байна

“Дөл буян” ХХК нь Улаанбаатар хотын Захирагчийн ажлын алба болон Чингэлтэй дүүрэгтэй байгуулсан гэрээний хүрээнд Самбалхүндэвийн хаалттай оршуулгын газрын шарилыг нүүлгэн шилжүүлэх ажлыг гүйцэтгэж байна.

“Улаанбаатар хотыг хөгжүүлэх ерөнхий төлөвлөгөө, 2030 он хүртэлх хөгжлийн чиг хандлагын баримт бичиг” болон НИТХ-аас баталсан “Нийслэлийг 2021-2025 онд хөгжүүлэх таван жилийн үндсэн чиглэл”, “Нийслэлийн Засаг дарга бөгөөд Улаанбаатар хотын захирагчийн 2024-2028 оны үйл ажиллагааны хөтөлбөр”-ийн хэрэгжилтийг хангах, иргэдийн эрүүл, аюулгүй орчинд амьдрах нөхцөлийг бүрдүүлэх зорилгоор Самбалхүндэвийн оршуулгын газрыг хэсэгчлэн чөлөөлөх ажил хийгдэж байна.

Нийт 70 мянган мкв талбайг чөлөөлөхөөр төлөвлөснөөс энэ онд 18,1 га талбайг чөлөөлөхөөр ажлыг эхлүүлээд байна. 

Талийгаачийн шарилыг нүүлгэн шилжүүлэхэд ар гэрийн санал, хүсэлтийг харгалзах ба мэдэгдэлд заасан хугацаанд ар гэр нь холбоо тогтоогоогүй тохиолдолд холбогдох зан үйлийг гүйцэтгэн чандарлаж, Чандарыг суварганд залах болно.