Монголын шигшээ баг Дэлхийн нүүдэлчдийн VI наадмаас 21 медаль хүртлээ

Дэлхийн нүүдэлчдийн VI наадам Бүгд Найрамдах Киргиз Улсын Бишкек хотноо наймдугаар сарын 31-нээс есдүгээр сарын 6-ны өдрүүдэд амжилттай зохион байгуулагдаж, өндөрлөлөө.

Энэ удаагийн наадамд дэлхийн 113 орны 3000 орчим тамирчин спортын 43 төрөлд өрсөлдсөн байна.

Монгол Улсын шигшээ баг 5 алт, 3 мөнгө, 13 хүрэл, нийт 21 медаль хүртэж, багийн нэгдсэн медалийн чансаагаар дөрөвдүгээр байр эзэллээ.

Медалийн чансааг Казахстан 32 алт, 20 мөнгө, 22 хүрэл медаль буюу нийт 74 медальтайгаар тэргүүлсэн байна. Харин зохион байгуулагч Киргизстан 30 алт, 35 мөнгө, 19 хүрэл медаль хүртэж хоёрдугаар байр, ОХУ 7 алт, 8 мөнгө, 21 хүрэл медальтайгаар гуравдугаар байрт оржээ.

Түүнчлэн Узбекистан 4 алт, 4 мөнгө, 11 хүрэл медаль хүртэж, тавдугаар байр эзэлсэн байна.

Ийнхүү Монголын шигшээ баг нүүдэлчдийн уламжлалт спорт, соёлын өвийг дэлхийн тавцанд сурталчлан, нийт 21 медальтайгаар VI наадмыг амжилттай өндөрлүүллээ.