Сураггүй алга болсон иргэнийг 10 хоногийн дараа Хан-Уул дүүргийн нутаг дэвсгэрээс олжээ

Сүхбаатар дүүргийн 18 дугаар хороонд оршин суух иргэн Г өнгөрсөн аравдугаар сарын 25-ны өдөр гэрээсээ гараад сураггүй болжээ.

Түүний ар гэрийнхэн аравдугаар сарын 31-ний өдөр цагдаагийн байгууллагад хандаж, эрэн сурвалжлуулах хүсэлт гаргасан байна.

Дуудлага, мэдээллийн дагуу Сүхбаатар дүүргийн Цагдаагийн газрын Хоёрдугаар хэлтсээс эрэн сурвалжлах ажиллагааг шуурхай зохион байгуулж, улмаар арваннэгдүгээр сарын 4-ний өдрийн 20:00 цагийн орчимд Хан-Уул дүүргийн нутаг дэвсгэрээс иргэн Г-г олж тогтоожээ.